La vie d'ici et d'ailleurs (Tritriva)

Bienvenue ! Tonga soa ! Welcome !

Archive pour le 16 octobre, 2008

Ry sombinaina

Posté : 16 octobre, 2008 @ 3:29 dans TONONKALO | 2 commentaires »

fairepart.jpg

Ry sombinaina

Ho anao ry sombinaina,
Voankazo ny fitiavana,
Nitombo moramora,
Tao anatiko ao.

Niandry aho isan’andro,
Niambina ny ainao,
Fotoana sarobidy,
Nahafeno ny fanahy.

Dia indro ilay andro,
Nahitanao masoandro,
Zava-soa nitomany,
Naterak’i neny.

Zà sy ianao nifampijery,
Sy niaraka nitsiky,
Ry ilay nantenaina,
Nahafinaritra indrindra.

Avy aho dia nidera,
Ny anjely kelinay,
Zazakely tsara tarehy,
Vokatry ny fitiavana.

Tritriva 26/08/08

*************************************************************************************

Tonga ety an-tany
Hiaina andro mamy
Anilan’ireo havana
Voarakotra fitiavana

Izy ilay nirina
Izy ilay tiana
Izy  ilay nandraina
Izy ilay nilaina

Androm-boninkazo
Andro feno vazo
Andro feno aina
Androny maraina

 

DdRb   http://www.freewebs.com/dadarabe

http://dadarabe.blaogy.com/

TONONKALON’I DadaRabe

Posté : 16 octobre, 2008 @ 2:47 dans TONONKALO | 1 commentaire »

226.jpg                     TIAKO BE IANAO 

Tiako be ianao
Sy ny tontolonao
Ny momba anao rehetra,
Lalaiko ts’isy fetra !

Raha sendra lavitra ahy,
Ny foko dia manahy,
Ka lasanao daholo,
Ny saiko manontolo.

Tsy andriko intsony,
Izaho tsy mety tony,
Fa ny ho eo anilanao
No mamiko izao.

Ianao…ianao irery,
No ahiko tsy an-tery,
Ka tiako fa anjara…
Ianao…ry Gasikara.

DadaRabe Aix-en-Provence , 11/01/04

*************************************************************************************

IANAO NO MAHALALA

Ry hany tanindrazako ! tsy foiko sy malala !
Raha nandao anao aho, an-taona maro izay,
Tsy hoe ninia nikimpy na koa tsy nahalala
Ny ratra sy ny fery na ny ady mahamay
S’ireny fijaliana,
Ireny fahoriana,
Ireny fihafiana,
Izay nitomaniana.

Ry tany tiako indrindra, narary anie ny foko,
Raha sendra ny tsy fidy, ka ho any an-tsesitany;
K’ireny ranomaso, nilalotra toloko
Niniako nampanginina na hila tsy ho lany,
Fa mafy ny mitady
Manangana ny ho avy,
Fa ts’isy vavahady
Misokatra sahady.

Dia nifandimby teny ny andro sy ny volana,
Toa efa hody ventiny ny rano nantsakaina,
Kinanjo tsy nampoizina fa misy foana ny olana
Mitady hanembatsembana ilay maraina andraina:
Te hody aho na androany
Raha azo atao izany,
Fa saingy nofy ihany
Ny foko toa tomany !

Misy ny milaza fa efa nanadino anao ny foko tia,
Nolazainy koa fa efa natakaloko ny hafa hono ianao !
K’aleoko miampify, mandositraanao aty lavitr’aty,
Minia tsy mahatsiaro ary manadino, nahita vaovao !
Ry Madagasikara !
Ianao no mahalala
Ny foko anie tsy hiala
Fa tia toy ireny adala.

DadaRabe     http://www.freewebs.com/dadarabe 

Marseille 22/08/01    http://dadarabe.blaogy.com/

HENOKO INDRAY ! DadaRabe – Poeta Malagasy –

Posté : 16 octobre, 2008 @ 1:20 dans TONONKALO | Pas de commentaires »

030721bcynoglossumf.jpg  HENOKO INDRAY !

 

Henoko indray ilay fitiavako iny ,
Fitiavako fahiny,
Fa tsikinao nandalo iray minitra monja…
Dia indro fa nanonja,
lay hiaka ato anaty
Nataoko ho efa maty !

Henoko indray ilay doboky ny foko,
Ilay tanako toloko,
Miandry ilay anao hitantana ny ahy,
Izaho anie tsy sahy :
Fa tamin’ireny mantsy !
Zaza nifampihantsy.

Henoko indray ilay hafanana kely,
Tsy haiko velively !
Nananika ny lohako sy saiko manontolo,
Nofohaziny daholo !
Fa toy ny afo-mololo
Mirehitra nandoro !

Henoko indray kanefa…aoka ho any !
Mandalo fotsiny ihany !
Ny lalantsika akia, efa nisampana ela !
Tsy nisy mba tavela
F’ilay fitiavana iny…
Natelin’ny fahiny !

DadaRabe

27/08/08

*************************************************************************************

Natelin’ny fahiny iny fitiavana iny ,
Ny lalantsika r’ise, efa ela no nisaraka
Tsy hiverina intsony ary lasa sory
Ireo fahazazana sy fahatanorana.

Hamoronana tononkalo

Sovenira soa, sary efa vony
Nalamina ao anatin’ny vata sarihana
Rehefa tsy mahita tory r’ise
Dia mitady teny sy soratra monja

Amoronana tononkalo

Ny fiainana izao ahitana sorisory
Soa ihany fa mbola misy ny fitia
Fifaliana misy koa, indrindra alahady
Fa eo daholo ny havana tiana

Hamoronana tononkalo
Fanasitrànana sorisory ny tononkalo ka tohizina ihany …

Misaotra DadaRabe !

Tritriva 28/08/08

 

MES HUMEURS AU FIL DES JOURS |
laguyane |
Rapport Prévention Charleroi |
Unblog.fr | Créer un blog | Annuaire | Signaler un abus | designdemyself
| DIEGO
| ya est la