Madagascar

                                                                                     ILAY AMPITSO

Manofy ilay ampitso mamerovero fatratra;
Manofy lendalenda, diavolana tomaratra;
Manofy taona zina sy fararanom-bokatra;
Manofy tojo tanjona, tafakatra ny tohatra.

Manofy fahasambarana, fotoana paradisa;
Manofy fisantarana ny mamy tsy hita isa;
Manofy lohataona ravaham-boninkazo;
Manofy andro miratra ventesim-bazovazo.

Manofy trano bongo mitohoka tantely;
Manofy tany lonaka manintona fijery;
Manofy hazavana mandresy haizim-pito;
Manofy, manantena fa mino ilay ampitso.  

DadaRabe,   La charité       http://freewebs.com/dadarabe
27/09/06    15:58        http://dadarabe.blaogy.com

Version Française : UN LENDEMAIN

Lithanie de Rêves pour
- Un lendemain merveilleux
-Une année faste, aux récoltes abondantes

-Un bonheur paradisiaque
 prémice de douceurs interminables

-Des saisons courbées sous le poids des fruits
-Des jours de liesse enchantés

-Des cabanes remplies de miel
-Des prairies, enchantements des yeux

-De la Lumière terrassant l’obscurité
 rêve, espérance et foi au Lendemain.

Traduction : RAMANATANTARA, 17/02/07     
http://freewebs.com/ramanatantara   

JAKARANDAMY de Lolo sy ny Tariny

Hafahafa hoa ny tontolon’izy iny
Jakarandamy mipôpôka
Fofontany mando koa mba tiany
Rehefa volana octobra

Orana mitendry ny fanitso
Izay no hira tiany indrindra
Ilay masoandro mody amonjy ampitso
No sinema ny takariva

Izy tsy nanao cahier de sovenira
Ilay alefa mandedeha
Tsy nanongona sarina mpihira
Ho atao peta-drindrina

Nampatahotra azy ny balaon’ny ala
Tabataba matimaty ity
Nampanofy ratsy nofy nofy adala
Na maraina aza tsy adino

Ozo volafotsy tevy karaina
Tazako eny an-tratrany
Io no nanome ahy azavana
Nanoro ahy ny anarany

Lasa bitsibitsiko isan’andro
Rehefa izahay mba mifanena
Lasa hirahirako atoandro
Nofiko adivaraina

Ka nitoetra teo iny fitiavako iny
Tsy mba nisy resa be
Arahaba iray tsikiny midify
Samy lasana nandeha

Samy mba nanohy ny heritreriny any
Ny azy anie tsy fantatro
Fa ny ahy niova hira ihany
Asa izay na ho tsapany

Hafahafa hoa ny tontolon’izy iny
Jakarandamy mipôpôka
Fofontany mando lasa tiako
Rehefa volana octobra
Rehefa volana octobra

Lolo sy ny Tariny 

Ry sombinaina

Ry sombinaina

Ho anao ry sombinaina,
Voankazo ny fitiavana,
Nitombo moramora,
Tao anatiko ao.

Niandry aho isan’andro,
Niambina ny ainao,
Fotoana sarobidy,
Nahafeno ny fanahy.

Dia indro ilay andro,
Nahitanao masoandro,
Zava-soa nitomany,
Naterak’i neny.

Zà sy ianao nifampijery,
Sy niaraka nitsiky,
Ry ilay nantenaina,
Nahafinaritra indrindra.

Avy aho dia nidera,
Ny anjely kelinay,
Zazakely tsara tarehy,
Vokatry ny fitiavana.

Tritriva 26/08/08

*************************************************************************************

Tonga ety an-tany
Hiaina andro mamy
Anilan’ireo havana
Voarakotra fitiavana

Izy ilay nirina
Izy ilay tiana
Izy  ilay nandraina
Izy ilay nilaina

Androm-boninkazo
Andro feno vazo
Andro feno aina
Androny maraina

 

DdRb   http://www.freewebs.com/dadarabe

http://dadarabe.blaogy.com/